Madugang na sa listahan sang ONE Championship Hall of Fame ang pangalan ni Bibiano “The Flash” Fernandes, kadungan sang dalayon sini nga pagretiro.
Mahibaluan nga sadtong Pebrero 20, nangin madinalag-on si Fernandes sa iya hampang kontra sa Pinoy MMA fighter nga si Kevin ‘The Silencer’ Belingon kag gilayon sini nga ginanunsyo ang retirement.
Suno kay ONE Chairman Chatri Sityodtong, mangin kabahin sang ‘Hall of Fame’ si Fernandes, bangud sa mga maayo sini nga performance sa iya kabug-usan nga karera sa nasambit nga liga.
Patigayunon ang induction ceremony sa Marso 23 sa Saitama Super Arena sa Japan.
Ginbun-ag ang mixed martial arts sa Japan kag nagakadapat lamang nga ang pagkilala sa mga MMA fighter patigayunon sa nasambit nga pungsod.
Sa karun, hawi ni Fernandes ang 31 career fights, kalakip na ang 16 nga hampang sa One Championship.
Siya ang anay 11-time ONE Bantamweight MMA World Champion.
