ROXAS CITY – Labing una nga tion ang natabo nga pagpanunto sang isa ka LGBTQ+ member sa isa ka street food vendor, matapos nga mataban ang cellphone nga nagabalor sang P21,000 kag P900 nga cash sa mga biktima kag order sini nga mga street food kaangay sang kikiam, dynamite, kwek-kwek, siomai kag softdrinks nga nagalab-ot naman sa P1,200 nga wala man sini ginbayaran.
Sa interview sang Bombo Radyo kay Punong Barangay Erwin Oroceo sang Barangay Babay, ginpahayag sini nga halos kilala niya tanan ang mga streetfood vendors bangud residente ini sang lugar.
Suno kay PB Oroceo, ang nasambit nga hitabo wala sang record sa ila barangay bangud sa iya nga pagpangusisa nagderitso ang mga ini sa kapulisan nga kun tani una nga nagparecord sa ila barangay.
Dako man ang iya katingala kag palamangkutanon kung ngaman indi na magfile sang kaso ang biktima batuk sa suspek.
Pahayag sini nga kun tani padayunon sini ang pagfile agud indi na pagpamarisan pa kag indi na makapangbiktima sa liwat sa iban nga tawo.
Gintuad man sang Punong Barangay nga wala nadulaan sang barangay tanod ang lugar subong man sang mga kapulisan nga nagabantay, apang sang natabo ang insidente wala sini nila gilayon nga ginpahibalo sa otoridad nga kun tani natigayon pa nga madakpan ang suspek.
Aminado man ini nga may yara sang problema ang closed-circuit television (CCTV) sa lugar apang magapahamtang ini sang panibag-o nga 8 ka mga cctv ilabi na sa may bahin sang people’s park.
Pangabay ni Oroceo sa mga nagabaligya, nagalagaw, kag mga bisita nga kung may kasubong sini nga hitabo gilayon nga magpalapit sa mga otoridad nga nakadesignar sa lugar, siguraduhon nga naka-lock ang mga motorsiklo kag salakyan, bantayan ang personal nga kagamitan kag mangin maabtik sa palibot.
