-- ADVERTISEMENT --
ROXAS CITY – Nagtuga sang kagutok sa trapiko ang pagkasunog sang isa ka motorsiklo sa tunga sang dalan sa Barangay Dayao, Roxas City.
Suno kay Jordan Aranton, tag-iya sang nasambit nga motorsiklo, gintestingan sini ang iya motorsiklo apang sa iya nga pag-kick sang karburador, nag-backfire ini kag naglatay ang kalayo pakadto sa tangke sang iya nga gasolina.
Bangud diri, nagbuliganay ang mga residente sa lugar sa pagbasya sang tubig sa nasunog nga motorsiklo.
Maswerte naman nga napalong ang kalayo antes pa man nag-abot ang mga katapo sang Bureau of Fire Protection – Roxas City Fire Station.
