Sunog ang isa ka motosiklo samtang naka-park sa kilid sang puluy-an sa Pueblo de Panay, barangay Lawaan, Roxas City.
Ang amu nga motorsiklo ang ginapanag-iyahan alyas “Marvee”, 32-anyos kag residente sang nasambit nga lugar.
Sa impormasyon nga nakuha sang Bombo Radyo, nagikan sa Roxas City Police Station, ginpahayg nga personal nga nagpadulong sa ila nga talatapan ang nasambit nga persona agud nga ipabalhag ang amu nga hitabo.
Pahayag pa diri nga nakit-an na lamang nga nasunog na ang amu nga motorsiklo sa tion nga malakat na kun tani ang asawa sini kag pagagamiton kun tani.
Mahibaluan nga suno sa mga kaingod balay sini, takna alas 2:00 sang kaagahon, Marso 13, 2025, ginpahayag nga may nabatian sila nga pila ka mga magagmay nga lupok sa amu nga lugar, sang ila na ini nga gin-chekyar, didto kag nakit-an nga nasunog na ini kag gilayon nga nagtawag sang katapo sang BFP agud nga palungon ang amu nga sunog.
Sa karon, padayon ang imbestigasyon sang mga katapo sang BFP agud nga matumod ang gintuna-an sang amu nga sunog.
