ROXAS CITY – Nagsulat sang resolution ang League of Municipalities LMP-Capiz Chapter kay Honorable Mark A. Villar may kaangtanan sa alegasyon sang atrasado nga mga proyekto sang Department of Public Works and Highways ukon DPWH sadtong Oktubre 27, 2020.
Ang nasambit nga resolution ang pirmado ni Mambusao Mayor Leodegario Jun Labao Jr., presidente sang LMP-Capiz Chapter kag Capiz Governor Esteban Evan Nonoy Contretras.
Ini may kaangtanan sa pagrequest kay Villar nga ipaiway ang memorandum nga ginarequest ni 2nd District Congressman Fredenil Castro kay Villar sadtong Pebrero 17 nga irekonsiderar ang bidding sang tanan nga mga infrastructure project sa segundo distrito.
Ang nasambit nga resolution sang LMP ang ginpirmahan sang pila ka mga alkalde nga sanday Hon. Leodegario Jun Labao Jr., sang Mambusao; Hon. Receliste Escolin sang Pres. Roxas; Hon. Raymond D. Malapajo sang Maayon; Hon. Edgardo Arancillo sang Dumarao, Hon. Felipe Barredo sang Panay; Hon. Katherine Dequiña sang Panitan; Hon. Arnold Perez sang Pilar; Hon. Esteban Evan Contreras sang Pontevedra, Hon. Tito Mayo sang Cuartero, Hon. Christopher Andaya sang Sigma kag Hon. Roberto Palomar sang Tapaz, Capiz.
Samtang, wala naman nagpirma sanday Hon. Felipe Neri Yap sang Ivisan; Hon. Arthur John Biñas sang Sapian; Hon. Mac Arthur Valdimar sang Jamindan, Hon. Esnesto Escutin sang Dao kag Amado Eriberto Castro sang Dumalag, Capiz.
Nahibaluan nga ginsabat sa nasambit nga resolusyon ang alegasyon ni Castro sa pagkaatrasar sang mga proyekto sa segundo distrito.
Matandaan nga nagpadala sang request si Castro kay Villar sadtong Pebrero 17 nga ang tanan nga mga infrastructure project para sa tuig 2021 sa segundo distrito sang Capiz ang iga-bid sa DPWH Regional Office 6 kun sa diin gin-aprubahan man ni Villar sadton Agosto 12.
NOTE: THIS PICTURE WAS TAKEN BEFORE COVID-19
