Ginpaguwa sang World Health Organization (WHO) ang ika-59 nga report sa multi-country outbreak sang monkeypox ukon Mpox, nga nagapakita sang padayon nga paglapta sang virus (MPXV) sa bug-os nga kalibutan.
Naglab-ot sa 3,135 ka kumpirmado nga kaso kag 12 ka napatay ang narekord sang Septyembre sa 42 ka mga pungsod, sa diin kapin sa 80% ang gikan sa rehiyon sang Africa.
Sa Africa may yara sang 17 pungsod ang may aktibo nga transmisyon, lakip ang Democratic Republic of the Congo, Liberia, Kenya, kag Ghana.
Ang una nga mga kaso sang clade Ib MPXV nareport man sa Malaysia, Namibia, Netherlands, Portugal, kag Spain, subong man ang lokal nga transmisyon sa anom ka pungsod sa guwa sang Aprika.
Sa pihak sang pagtaas sang kaso sa pila ka mga rehiyon, nagapabilin nga manubo ang risgo sa pangkabilugan nga populasyon suno sa WHO.
