-- ADVERTISEMENT --
ROXAS CITY – Aksidente nga nagbaliskad ang isa ka multicab matapos nga nadulaan sang kontrol sa Barangay Parian, Sigma, Capiz.
Ginkilala ang driver sang nasambit nga salakyan kay Wineta Luza, 38 anyos samtang ang duha ka mga pasahero sini nga amo sanday Jicint Diestro, kag Zylah Luza, lunsay mga residente sang Poblacion Norte, Sigma, Capiz.
Base sa imbestigasyon sang Sigma Municipal Police Station, gikan sa siyudad sang Roxas ang mga biktima kag magapauli na kuntani sa banwa sang Sigma sang hinali na lamang nga nadulaan sang kontrol sa pagmaneho si Wineta.
Bangud diri, nag-angkon sang mga kapilasan sa lawas ang mga biktima kag gilayon nga gindala sa ospital agud dapatan sang nagakaigo nga pagbulong.
