-- ADVERTISEMENT --
Ginselebrar sang mga kauturan nga Muslim sa Capiz ang Eid Al Adha ukon “Feast of Sacrifice,” nga isa sa pinakamabalaan nga okasyon sa Islam.
Sa interview sang Bombo Radyo kay Mr. Abdul Rahman Ali, pinuno sang Muslim Community sa Capiz, iya ginpahayag ang Eid Al Adha isa ka importante nga selebrasyon sang pagtuo, pagpalangga sa kapareho nga Muslim kag pagpasalamat.
Suno pa kay Ali, ginaselebrar ang Eid Al Adha paagi sa community prayer sa mosque kag pagtipon sang pamilya kag komunidad.
Dugang pa niya nga kabahin man sang okasyon ang pagbahin sang bendisyon sa iban, ilabi na sa mga nagakinahanglan bilang pagpakita sang sakripisyo kag pagbulig sa isig kapareho.
