Naagnas nga bangkay nasapwan sa suba sa banwa sang Dao

ROXAS CITY – Yara na sa advanced state of decomposition ang bangkay sang ginabulubanta 12 tobtob 15-anyos nga bata nga nasapwan nga nagalutaw sa suba sa Sitio Balud, Barangay Duyoc, Dao, Capiz.

Nagasuksok sang green checkered shorts, polo nga brown nga may guray guray kag lastiko sa natuo nga kamot ang biktima.

Ginapatihan nga duha na ka adlaw nga napatay ang biktima, ba-se sa sitwasyon sang bangkay nga nagakaagnas na.

Posible man nga indi  taga Dao ang  biktima, bangud wala sang may nakakilala sa iya.

Samtang suno kay Police Corporal Micheal Aguiling nga wala  sang may nakapa-blotter sa Dao PNP nga nadulaan sang himata.