Patay na sang masapwan kag nakahigot pa sa puno ang isa ka Grade 6 student nga babaye nga pila na ka adlaw nga nadula sa Toledo City, Cebu.
Ang bangkay, aksidente nga nadiskubrehan sa isa ka ido nga dala-dala ang isa ka tiil sang biktima.
Nakit-an ang biktima nga nakagapos sa isa ka puno sa kagulangan nga yara sa boundary sang Barangay Ibo kag Cabitoonan.
Ang ginatudlo nga suspek sa krimen amo ang tiyo man lang sang biktima, sandig sa panaysayon sang mga testigo.
Nakit-an man sa CCTV footage nga nagsakay ang biktima sa motorsiklo sang suspek sang adlaw nga nadula ang dalagita sang Pebrero 11.
Padayon pa ang ginapatigayon nga imbestigasyon ang kapulisan kun gin-rape sang suspek ang biktima.
Nadakpan man ang suspek kag magapangatubang sang nagakaigo nga kaso.
Apang ini ang ginpanginwala sang suspek.
Nagguwa naman sa background check sang pulis sa suspek nga kaso ini nga two counts of rape sa Iloilo.
Samtang nag-umpisa ini sa pag-istar sa Toledo City sang 2021.
