Nabiktima sang peke nga kwarta ang isa ginang nga nagabaligya sang tingi-tingi nga gasolina sa Barangay Calitan, Panay, Capiz.
Sa interview sang Bombo Radyo kay Lily Balasan, may nagpamukaw sa ila balaligyaan nga isa ka lalaki alas 2:00 sang kaagahon agud magbakal sang sigarilyo kag isa ka litro nga gasolina.
Ginhatagan naman sang nasambit nga ginang ang nagbakal nga lalaki sang tunga sa kaha nga sigarilyo kag isa ka litro nga gasolina apang sang tion na nga pagdaho sang lalaki sang P1,000 nga kwarta natalupangdan sini nga madanlog.
Diri kag ginhambalan sini nga lalaki nga peke ang kwarta apang dali-dali nga naglakat kag nagsakay sa motorsiklo ang amu nga lalaki padulong sa banwa.
Gintunguhaan pa sini nga lagson ang lalaki apang wala niya na ini maabtan.
Maswerte na lamang suno diri nga wala niya nakambyuhan ang amu lalaki.
Wala naman sini naitsurahan ang lalaki kag plano sini karon nila nga kuhaon ang kopya sang CCTV sa kanto nga malapit sa ila balaligyaan kag amu ang pag-report dayon sa mga otoridad.
