Nagakatulog nga iloy, ginluthang sa nawong sang iya man lang nga anak

Ginluthang sa nawong ang isa ka 42 anyos nga iloy sang iya man lang mismo nga anak sa Bantay, Ilocos Sur.

Ginaalegar nga wala sa insakto nga paminsaron ang suspek sang ginhimo ang krimen bangud sa ginadala sini nga personal nga problema.

Natabo ang insidente samtang nagakatulog ang iloy sa iya nga kwarto.

Na-recover naman sa lugar sang insidente ang isa ka caliber .38 nga armas kag nagsungka naman sa otoridad ang 18 anyos nga suspek nga posible magpangatubang sang kaso nga parricide.

Sa subong, nagapaayo na ang biktima.