Naglab-ot na sa 11 ka mga indibidwal ang nadakpan sang kapulisan bangud sa paglapas sa Comelec Gun ban sa halos duha ka bulan nga election period.
Ginapakita sa record sang Capiz Police Provincial Office nga nadakpan ang mga violators sa mga operasyon nga ginpatigayon humalin Enero 12 tubtob Marso 13.
Pahayag ni PCAPT Merry Chris M Dela Cruz, Provincial Information Officer sang Capiz PPO, ang mga sibilyan ang nagapabilin nga nagapanguna nga violators, nga nagabug-os sang 11 sa mga nadakpan, nagikan sa Roxas City, nakadakop sang apat, sa Banwa sang Ivisan naman apat kag banwa sang Pontevedra,President Roxas kag Dumalag tig-isa ang mga nagkaladakpan.
Ginpasiguro ni Dela Cruz nga magapadayon ang pagpapag-on nga kampanya sang kapulisan batok sa mga indibidwal nga nagahupot sang illegal nga armas luthang.
