Gindala na sa iya katapusan nga destinasyon sa Lulubngan sang mga Bayani ang National Artist kag Superstar nga si Nora Aunor.
Takna alas-12 sang udto kaina sang ginhiwat ang state funeral para sa superstar.
Nagtaliwan siya sang Abril 16, 2025, sa edad nga 71 anyos.
Bilang isa ka National Artist, ginhatagan siya sang state funeral nga ginhiwat sa Metropolitan Theatre sa Manila antes ang iya katapusan nga palahuwayan.
Madamo nga mga fans ang nagtambong sa necrological services sa paghatag sang pasidungog sa iya hamili nga mga kontribusyon sa sining kag pelikula.
Sanday Lotlot kag Ian de Leon, naghatag sang emosyonal nga pagpasidungog sa ila iloy, nga nadumduman bilang isa ka kapawa nga indi gid madula.
Ang iya mga pelikula pareho sang “Himala” kag “Bona” ginpaguwa liwat bilang kabahin sang pagdumdom sang iya legasiya.
Ang iya pagtaliwan nagdala sang daku nga kasubo sa industriya sang pelikula, apang ang iya arte magapabilin nga buhi sa tagipusuon sang iya mga tagasuporta.
