Ginapasalig sang Philippine Statistics Authority kag Department of Social Welfare and Development nga padayunon nila ang National ID authentication services para sa mga benepisyaryo sang 4Ps sa pungsod.
Sa ginpahayag ni PSA Undersecretary Claire Dennis Mapa, National Statistician and Civil Registrar General ang desisyon nga ini ang resulta sang ginhiwat nga meeting sang PSA kag DSWD.
Suno sa opisyal, tanan sang mga miyembro sang 4Ps sa pungsod ang magapaidalom sa identity verification.
Ini ang pinaagi sa scanning procedure sang ila nga mga fingerprint agud magtugma sa ila nga National ID registry.
Base sa datos sang PSA, as of June 14, 2024, nagdangat na sa 200,059 ka 4Ps beneficiaries ang madinalag-on nga na-authenticate gamit ang National ID.
