Mabaton na sang Public Utility Vehicle (PUV) drivers sa guwa sang Metro Manila ang P5,000 cash aid kag tubtob sa P10,000 nga fuel subsidy halin sa gobyerno umpisa sa Abril 6.
Ini ang gin-announce mismo ni President Ferdinand Marcos Jr.
Ang assistance package ang maga-cover sang one-time P5,000 cash relief assistance halin sa Department of Social Welfare and Development kag dugang nga one-time P5,000 fuel subsidy para sa traditional jeepneys ukon P10,000 para sa modern jeepneys halin sa Department of Transportation.
“We understand the cries of our fellow citizens who are protesting… but I want to assure you once again, you will not be left behind; the government will not abandon you,” suno kay President Marcos.
Ang nationwide rollout sang government aid ang kasunod sang ginalauman na naman nga pagsaka sang presyo sang gatong subong nga semana.
