Ginklaro sang National Economic and Development Authority (NEDA) nga wala sang dako nga epekto sa gobyerno sang Pilipinas ang nangin mandato ni US President Donald Trump kung sa diin temporaryo nga ipa-untat ang pagdul-ong sang bulig pinaagi sa United States Agency for International Development (USAID).
Mahibaluan nga ginhimo ni NEDA Undersecretary Rosemarie Edillon ang pahayag sa ginpatigayon nga paghinu-anon.
Suno kay Edillon, indi na tuman nga maapektuhan ang pungsod bangud sa dako nga pagbag-o sini indi kaangay sadto nga kinahanglan magdepende sang Pilipinas sa bulig nagikan sa iban kag dalagko nga pungsod.
Sa pihak sang pagpaidalum sang USAID sa 90-day review, wala sang untat ang pag-alalay sang USAID staff sa Pilipinas.
Matandaan, nangin epektibo ang 90 days review para sa nasambit nga programa matapos magpaguha ang US state department sang “stop-work” order sadtong Enero 24.
Ini ang kadungan man sa nangin direktiba ni US President Donald Trump.
