ROXAS CITY -Ginareklamo sang 23-anyos nga negosyante ang isa ka traffic auxilliary nga nagdakup sa iya kag nag-impound sang tricycle sini sa Kilometer 1, Barangay 11, Roxas City.
Personal nga nagpadulong sa talatapan sang Bombo Radyo si Reymark Andrade, residente sang Barangay Daga, Panay agud ireklamo si Ernesto Edones, isa ka traffic auxilliary nga nagdakop sa iya kag nag impound sa iya tricycle.
Suno sa alegasyon ni Andrade nga gindakup ini ni Edones bangud nakit-an sang traffic auxilliary nga duha ka mga pasahero ang iya nga sakay.
Aminado si Andrade nga naglapas ini sa ordinansa sang siyudad apang ginareklamo sini ang pag-impound sang iya tricycle kag pagkuha sang iya lisensya.
Tuman naman ang kaakig ni Andrade sang ginhunong pa ini sa karsel sang Roxas City Police Station, apang aminado ini nga yara siya sa idalom sang impluwensya sang makahulubog nga ilimnon sang gindakup ni Edones.
Sa karun, desidido si Andrade nga magpasaka sang nakaigo nga panumbungon
