SAPIAN CAPIZ – Wala makaluwas ang isa ka negosyante matapos ginpahayag nagtuga sang gamo sa guha sang binaylehan kag nagbato sa mga kapulisan sa Sitio Sulayon, Barangay Agtatacay Sur, Sapian Capiz.
Ginkilala ang amo nga lalaki kay Jorge Arrosa, 27-anyos, kag residente sang Barangay Tumalalod, Mambusao, Capiz.
Sa interview sang Bombo Radyo sa hepe sang Sapian Municipal Police Station nga si PCPT. Christine Cerbo, ginpahayag sini nga samtang yara sa guha sang binaylehan su Arrosa hinali lamang ini nagtuga sang gamo matapos mahibaluan nga ginparesan sang iban nga lalaki ang iya nobya.
Suno kay Cerbo gindapal pa sini ang iya nobya kabangdanan nga ginbadlong ini sang kapulisan apang wala ini nagpamati sa baylo nga nagbato pa.
Mahibaluan nga yara sa impluwensya sang makahulubog nga ilimnon si Arrosa kag indi sarang nga macontrol ang iya kaugalingon.
Bangud sini, gindakop sang katapo sang Sapian MPS ang nasambit nga persona kag gindala sa talatapan apang natigayon man ini nga makaguha matapos nagpangayo sang pasensya kag sa iya nobya.
