Nagnubo ang net external liabilities sang Pilipinas sang 9.3% sa ikatlo nga quarter sang 2025, base sa preliminary data sang Balance Sheet Approach (BSA).
Halin sa P3.6 trillion sang second quarter sang 2025, nagnubo ini sa P3.3 trillion sang 3rd quarter sang 2025.
Ang pagnubo ang tuga sang mas mataas nga investments sang Bangko Sentral ng Pilipinas (BSP) kag iban pa nga depository corporations sa foreign debt instruments, apisar gamay ang pagnubo bangud sa pagsaka sang government securities kag pautang sang gobyerno sa mga indi residente sang pungsod.
Ang BSP kag iban pa nga mga korporasyon sang deposito nagpakita sang mas mabaskog nga posisyon bilang net creditor, nga nagresulta sang mas mataas nga nonresident-issued debt securities kag mas manubo nga deposit liabilities.
