Nagtaas sang P14.5 million ang declared net worth ni Mario Lipana, isa sa mga government officials nga naangot sa flood control controversy.
Ang pagsaka sang net worth sini nga ginapakita sa iya nga Statements of Assets, Liabilities, and Net Worth ang sa sulod sang duha ka tuig nga pagserbe niya bilang commissioner sang Commission on Audit.
Sa SALN ni Lipana humalin sang Enero 2022 sang gin-appoint siya ni former President Rodrigo Duterte tubtob sang Disyembre 2024, nagsaka sang 120.532% ang iya net worth sa diin humalin P12.03 million sang Enero 2022 tubtob nga nangin P26.53 million sang Disyembre 2024.
Nahibaluan nga naangot si Lipana sa kontrobersiya sang flood control matapos nga gin-mention siya ni anay DPWH Undersecretary Roberto Bernardo nga nangayo sang referral sa DPWH Bulacan 1st District Engineering District.
Nagsiling man si anay district engineer Henry Alcantara nga nag-istorya siya kay Lipana sang 2022 sa diin ginpangayoan siya sang listahan sang flood control projects sa Bulacan nga mahimo pondohan sang DPWH.
Pahayag ni Alcantara, ang budget request ni Lipana ang ginpondohan sa idalom sang unprogrammed appropriations sang 2023 nga may P500 million, 2024 nga may P400 million kag 2025 nga may P500 million.
Sa una nga SALN ni Lipana bilang COA commissioner sang Enero 2022, gindeklara sini nga may yara siya sang net worth nga P12.03 million.
