NTC, ginpanugyanan ang mga telcos nga gilayon nga ayuson ang mga linya sang komunikasyon sa mga lugar nga gin-agyan sang bagyong Kristine

Ginmanduan sang National Telecommunications Commission (NTC) ang mga telecommunications companies nga gilayon nga ayuson ang mga nasamad nga serbisyo sa mga lugar nga ginhalitan sang bagyong Kristine.

Suno sa NTC nga pila ka adlaw bag-o ang pag-abot sang bagyo, nagpaguwa na sila sang memorandum sa mga telcos.

Nakasaad sa amo nga memo nga dapat siguruhon sang mga telcos nga indi mautod ang ila serbisyo.

Ginganyat man nila ang mga ini nga dapat madasig nga maayos ang mga nasamad nga tore agud maghatag sang serbisyo sa mga residente nga apektado sang bagyo.

Kadungan man sini, ginganyat man nila ang mga telcos nga maghiwat sang “Libreng Tawag” ukon “Libreng Charging Stations” sa mga lugar nga apektado sang bagyo.