Numero sang mga napatay sa 7.4 magnitude nga linog sa Colombia, nagsaka na sa masobra 200

Naglab-ot na sa 224 ka tawo ang napatay matapos mag-igo ang magnitude 7.4 nga linog sa Colombia.

Suno sa United Nations, 126 pa lang ang kumpirmado nga patay kag 1,495 ang pilason base sa opisyal nga datos sang Lunes sang gab-i.

Apang, suno sa mga lokal nga otoridad, naglab-ot na sa 224 ang napatay sang Martes samtang nagapadayon ang rescue operations.

Halos 5,000 naman ka mga panimalay ang nagkalaguba kag may pila man ka mga establisyemento nga nagkalatiphag bangod sa mabaskog nga linog.