Ginkumpirma sang mga otoridad sa Nepal nga naglab-ot na sa 51 ang napatay bangud sa magamo nga hublag-protesta.
Lakip sa mga napatay ang 21 ka mga protesters kadungan sang crackdown sang kapulisan sa mga demonstrasyon batok sa pagdumili sang gobyerno sa social media, korapsyon kag indi maayo nga pagdumala.
Suno kay Police spokesman Binod Ghimire, tatlo ka pulis ang napatay lakip man ang pila ka mga preso nga nagtuyo nga magpalagyo sa engkwentro sa pwersa sang seguridad sang Nepal.
Pahayag naman sang Nepal Army, narekober nila ang 100 ka mga armas halin sa mga protesters nga nagabayaw sang mga automatic rifle nga ginapatihan halin sa kinawatan.
Sa subong, nagapadayon ang negosasyon sa tunga sang presidente, mga tiglawas sang mga protesters, kag mga importante nga personalidad nga posible magpanguna sa isa ka interim nga administrasyon.
