Nagdangat na sa 13 ang numero sang mga napatay sa nagapadayon nga Wildfire sa Los Angeles County sa California.
Suno sa inisyal nga report sang mga otoridad, walo ang napagkit nga fatalities nga nagikan sa Eaton Fire area samtang lima naman ang napagkit nga nagikan sa Palisades.
Ginkumpirma naman ni County Sheriff Robert Luna ang 11 sa mga napatay kag 13 pa ang nagapabilin nga missing kag padayon pa nga ginapangita.
Samtang, nagdangat naman sa 180,000 nga mga residente ang apekatado bangud sa wildfire kag nagapabilin sa mga evacuation centers.
Ginapahayag nga nagdangat na sa $10 million US dollars ang nangin kahalitan nga gintuga sang amo nga wildfire pag-abot sa imprastraktura sa 12,300 tanan ka mga puluy-an.
Samtang, padayon sa gihapon sa pagpalong sang kalayo ang mga otoridad nga nagsugod pa sadtong Enero 7.
