Nurse, pilason matapos aksidente nga bumunggo ang iya motorsiklo sa isa ka salakyan sa Barangay Baybay

ROXAS CITY – Pilason ang isa ka nurse matapos aksidente nga nagbunggo ang ginamaneho sini nga motorsiklo sa isa ka Toyota Fortuner sa Barangay Baybay, Roxas City.

Ginkilala ang napilasan nga si Khris John Balbuena.

Base sa inisyal nga impormasyon nga nakuha sang Bombo Radyo, padulong kuntani si Balbuena sa Barangay Culasi sakay sa iya nga motorsiklo.

Apang hinali na lamang nga nag-U turn ang salakyan sa unahan sini nga ginamaneho ni Kirby Barbaza nga napaslawan nga maka-signal light.

Bangud diri, wala makontrol ni Balbuena ang iya motorsiklo kag bumunggo sa nasambit nga salakyan rason nga natumba ini kag nakaangkon sang pilas sa tuhod.

Plano naman ni Barbaza nga bayaran ang danyos nga natuga sang amo nga aksidente.