Ginpasakaan na sang Office of the Ombudsman ang kaso nga malversation kag graft batok kay Former Senador Ramon “Bong” Revilla Jr.
Ini ang may kaangtanan sa P92.8 million nga ghost flood control project sa Pandi, Bulacan.
Suno kay Assistant Ombudsman Mico Clavano, ang mga indibidwal amo sanday: Assistant District Engr. Brice Hernandez, Engr. Jaypee Mendoza, Arjay Domasig, Engr. Emelita Juat, Juanito Mendoza, kag Christina Pineda.
Dugang pa sini, nagkunsabo ang nasambit nga mga opisyal sa pag-release sang mga P76 million nga para kuntani sa konstruksyon sang flood control project sa Purok V, Barangay Bonsuran, Pandi, Bulacan, nga matapos ang inspeksyon, naguwa nga wala ini ginpatuman.
Nagpasaka man sang urgent motion ang Ombudsman para sa special raffle sang kaso kag para sa pag-issue sang warrant of arrest and hold departure order batok sa mga akusado.
Nagtuhaw ang kaso bangud sa reklamo nga ginpasaka sang National Bureau of Investigation-Bulacan South District Office (NBI-BSDO) matapos ang ila imbestigasyon sa proyekto nga gina-award humalin sang Marso 28, 2025.
Samtang, gindalahig naman ni Rivella si Former DPWH Undersecretary Roberto Bernardo sa kaso kun sa diin nagdeliver ini sang P125-M sa balay ni Revilla sang 2024 kag dugang nga P250-M nga gindeliver sa iya staff antes ang 2025 elections.
Una na nga ginpanginwala ni Revilla ang nasambit nga alegasyon, kun sa diin nga magaguwa man kun ano ang kamatuoran.
Matandaan nga gin-abswelto ang anay senador sa kaso nga plunder may kaangtanan sa indi nagakaigo nga paggamit sang iya Priority Development Assistance Fund ukon PDAF sang 2018.
