Oil price rollback, epektibo subong nga adlaw

Dululungan nga nagpatuman ang mga kumpanya sang langis sa pagbuhin sang presyo sa mga produkto nga petrolyo.

Alas 6:00 kaina sang aga ginpatuman ang P0.50 nga rollback sa kada litro sang gasolina.

Yara naman sa P0.85 kada litro sa kerosene kag P0.70 naman ang buhin sa kada litro sang diesel.

Suno sa Department of Energy ginakabig nila nga ang rason sang pagbuhin sa presyo amu ang pagnubo sang tensyon sa giyera sa Middle East.

Kalakip naman ang pagtaas sang biodiesel content sa mga produkto.