Nagaisahanon lamang ang Olotayan Integrated School sa Barangay Olutayan sa mangin pilot school para sa face ot face classes.
Ini ang ginkumpirma ni Dr. Rogelio Amador, Assistant City Schools Division Superintendent.
Suno kay Amador nga napilian ang nasambit nga eskwelahan bangud low risk ang area kag limitado ang hulag sang mga residente bangud island barangay ini sang Roxas City.
Aminado ang opisyal nga antes ginrekomendar ang Olotayan Integrated School nga mangin pilot school sa limited face to face classes, nagpakig-angut sila sa Roxas City government.
Ginpahayag pa ni Amador nga posible madugangan ang mga eskwelahan nga magapatigayon sang face to face classes, apang kinahanglan pa nila ini nga ipaidalum sa ebalwasyon. Samtang ginklaro sini nga indi adlaw adlaw ang mangin klase kag kinahanglan ang parents consent ukon pahanugot sang mga ginikanan.
