Ginapreparar na sang Office of the Ombudsman ang pagpatigayon sang maid-id nga examination sa computer kag document turnover sang nagtaliwan nga Department of Public Works and Highways Usec. Catalina Cabral.
Suno kay Assistant Ombudsman Atty. Mico F. Clavano, ang Central Processing Unit ukon C.P.U ang ipaidalum sa ‘digital forensic examination’. nga gingamit sang anay opisyal.
Matandaan nga sang nagligad lang nga semana, ginturn-over sang Department of Public Works and Highways sa Office of the Ombudsman ang mga dokumento kag computer nga una nga gina-uyatan sang napatay nga Undersecretary.
Kadungan sini, maga-isyu ang talatapan sa departamento sang ‘subpoena duces tecum’ nga nagamando sang produksyon sang amo nga mga butang.
Sang damlag lang, ang hinali nga kamatayon sang anay Public Works Usec ang nagpakibot sa madamo.
Gani, ginpakigbahin ni Assistant Ombudsman Clavano nga ila ginapreparahan ang ‘digital forensic examination’ nga pagahiwaton.
Gin-anunsyo sini nga siguraduhon sang Office of the Ombudsman nga mangin bukas ukon ‘transparent’ ang review.
Ginsiling sini nga magakooperar sa ila ang Commission on Audit ukon COA, Department of Public Works and Highways, kag ang Philippine National Police Anti-Cybercrime Group.
Agud masigurado ang integridad sang proseso ukon ang ‘digital forensic examination’ sang CPU ni Cabral.
Dugang pa sini nga sa subong ila na ang CPU nga ginturn-over sa opisina sang pulis.
Suno sa iya, ginakabig ini sang Ombudsman nga ‘critical development’ ilabi na sa imbestigasyon humalin sang ginpresentar ang orihinal nga ebidensya.
Nagapati ang Ombudsman nga ang pinakamasaligan nga ginakuhaan sang ebidensya amo ang halin sa ahensya sang gobyerno kag sa indibidwal nga nagapanag-iya sini.
Suno sa iya, mas maayo ang direkta nga ‘ginhalinan’ sang sa mga kopya lamang.
