ROXAS CITY – Pagasundan sang ‘social dinner’ ang natalana nga one-on-one briefing ni US President Donald Trump kag North Korean leader Kim Jong Un sa colonial-era Metropole Hotel.
Ini ang base sa report ni Bombo international correspondent Jun Felix, tumandok sang Guimba, Nueva Ecija nga nakabase karon sa Dong Da District, Hanoi City, Vietnam sang mainterview sang Bombo Radyo Roxas.
Suno kay Felix, magadugay sang halos 20 minutos ang hinalaay sang duha kun sa diin ginalauman nga makasugtan sang mga ini ang pagpatigayon sang ‘denuclearization’ sa North Korea.
Mahibaluan nga kaupod sang duha ka lider sa ila hinalaay ang ila tagsa ka mga top-two advisers.
Samtang, indi pa maathag kun ano ang mangin aktibidad sang duha ka lider buwas, Pebrero 28, apang ginalauman ang pila ka mga press conferences kag signing of agreements.
Matandaan nga Hunyo sang nakaligad nga tuig sang una nga nagkitaay ang duha ka lider sa Singapore.
