ROXAS CITY – Gin-aprubahan sang Sangguniang Panlalawigan ang ordinansa natuhoy sa pagbakal sang IT equipment sang Public Information Office sang gobyerno-probinsiyal.
Ini ang nagabalor sang kapin P1.4 milyones pesos nga pagakuhaon sa Advertising Expenses sang opisina ni Governor Esteban Evan ‘Nonoy’ Contreras.
Gamiton ang amo nga pondo sa pagbakal sang pila ka kagamitan para sa PIO nga ginapamunuan ni Atty. Vicente Atlas Catalan.
Sandig sa Ordinance No. 114, series of 2020, ginapahanugutan ang gobernador pinaagi sa isa ka ordinansa nga ipapasar sang SP nga maghalin sang pondo sa idalom sang iya opisina sa pila ka programa ukon proyekto nga luyag sini i-prayoridad.
Ang ini nga gahom ang nasandig man sa probisyon sang Republic Act 7610 ukon Local Government Code of 1991 partikular na sa Section 336.
