-- ADVERTISEMENT --
Wala sang natabo nga plagiarism sa children’s book ni Vice President Sara Duterte nga “Isang Kaibigan.”
Ini ang ginpahayag ni Atty. Michael Poa, spokesperson sang OVP sa isa ka statement bilang sabat sa mga nagasiling nga may pagkahalintulad ang storyline sang “Isang Kaibigan” sa “The Way Home” nga tuhoy sa kwago nga si Owly nga ginbalhag sadtong 2007.
Suno kay Poa, original work ang “Isang Kaibigan” bangud may copyright registration ini nga narehistro sang Disyembre 2023.
Wala na man nagkomento pa si Poa sa isa nga nakabasa suno diri sa libro nga nagsulat pa sa mismo nga author sang Owly nga nagapamangkot kun nagkuha ayhan sang permiso si VP Sara agud kopyahon ang storyline sang Owly.
