Wala sang confidential funds ang Office of the Vice President nga nakapaloob sa National Expenditure Program para sa masunod nga tuig.
Sa pulong balitaan sa Kamara matapos ang ceremonial turnover sang proposed national budget, ginpahayag ni Budget Secretary Amenah Pangandaman nga 10.28 billion pesos ang confidential kag intelligence funds sa NEP.
Mas manubo suno diri ini sang 16 percent ikumparar sa CIFs sa 2024 General Appropriations Act nga nagdangat sa 12.378 billion pesos.
4.37 billion pesos humalin diri ang confidential funds apang 5.92 billion pesos ang intelligence funds.
Kalakip sa mga ahensya nga may yara sang CIFs ang Department of National Defense nga may 1.70 billion pesos; National Intelligence Coordinating Agency ukon NICA nga may 991 million pesos; Philippine National Police nga may 806 million pesos kag PDEA nga may 500 million pesos.
Magabaton man sang CIF sa NEP ang Department of Justice nga may 579.4 million pesos kaupod na ang Immigration kag NBI; Finance Department nga may 79.5 million pesos kaupod ang Bureau of Customs kag BIR kag Department of Transportation kalakip ang Philippine Coast Guard nga may 405 million pesos.
Pinakamanubo naman ang alokasyon sa Commission on Human Rights nga may isa ka milyon nga piso.
