Mahimo na nga makabakal sang P20 kada kilo nga bugas sa mga kwalipikado nga benepisyaryo sa Barangay Bolo sa Roxas City, Sigma, Dumalag, kag sa probinsya sang Aklan.
Sa interview sang Bombo Radyo kay Jeomar G. Fajartin, branch manager sang National Food Authority Capiz, iya ginpahayag nga ang amo programa sang gobyerno ang mahimu ma-avail sang senior citizens, persons with disabilities (PWDs), miyembro sang 4Ps, solo parents, minimum wage earners, mga driver sang tricycle kag jeepney, kag mga mangunguma.
Suno kay Fajartin, mahimo makabakal ang kada kwalipikado nga benepisyaryo sang tubtob 30 ka kilo nga bugas kada bulan suno sa mga ginpatuman nga guidelines sang programa.
Kinahanglan lamang nga magpakita sang valid ID ukon iban nga dokumento nga nagapamatuod nga miyembro sila sang kwalipikado nga sektor agud maka-avail sang P20 kada kilo nga bugas.
