Ginpangunahan ni Agriculture Secretary Francisco P. Tiu Laurel Jr.,ang paglunsar sang subsidized P20 per kilo rice program sang Department of Agriculture (DA) sa probinsya sang Siquijor.
Ginpaathag ni Tiu Laurel nga sa sini nga deployment sa probinsya sang Siquijor, ang Departamento makaangkon sang insight sa mga logistics challenges kon paano ini ipatuman sa malayo kag maligwin nga mga lugar.
Suno sa iya, makabulig ini sa DA sa paghimo sang blueprint kon paano mapasangkad ang programa sa nagkalain-lain nga bahin sang arkipelago. Ini bilang katumanan sang pangako ni Presidente Ferdinand Marcos Jr.
Suno kay Joseph Lo, presidente sang Food Terminal Inc. (FTI) Siquijor,nagsiling siya nga magaserbe ini nga testing ground sa mga lugar nga may mga kabudlayan sa logistics kon paano ipanagtag kag ang mga sistema sang feedback sa real time kag ang tanan nga importante nga mga bahin sa isa ka tayuyon nga pungsodnon nga rollout
Sa una nga hugnat, ginabanta nga 425 ka mga panimalay, ukon 1,700 ka mga indibidwal, ang ginalauman nga makabenepisyo sang P20-per-kilo nga bugas sa Siquijor.
Ang Siquijor rollout kasunod sang una sa Bacolod City, Negros Occidental, kag isa pa ka probinsya sa re-established Negros Island Region (NIR).
Ang NIR ang isa sa mga pinaka-underserved nga lugar sa Visayas kag gintumod bilang focal point para sa pilot phase sang programa nga magatapos sa Disyembre 2025.
