Nagpasalig ang Department of Budget and Management (DBM) nga may pondo nga magamit kung mangayo ang Department of Labor and Employment (DOLE) sang dugang nga ayuda para sa mga minimum wage earners nga apektado sang pagsaka sang presyo sang gatong.
Suno kay Acting Budget Secretary Rolando Toledo, yara sa P21.3 billion ang gin-allocate para sa Tulong Panghanapbuhay sa Ating Disadvantaged/Displaced Workers (TUPAD) program sang Department of Labor and Employment (DOLE) apang para ini sa displaced, underemployed, kag seasonal workers.
Samtang, ginpahayag naman sang Malacañang nga pagatun-an sang gobyerno ang posibilidad nga mahatagan sang ayuda ang mga minimum wage earners, middle class, kag mga government employees nga naapektuhan sang oil crisis bangud sa nagapadayon nga tensyon sa Middle East.
