Magapabilin nga wala sang pagbag-o ang maximum suggested retail price (MSRP) nga P43 kada kilo para sa imported rice.
Ini ang ginpasalig ni Department of Agriculture (DA) Secretary Francisco Tiu Laurel Jr. samtang epektibo ang 60 ka adlaw ukon duha ka bulan nga pagdumili sa pag-import sang bugas.
Suno sa tiglikom, maid-id nila nga bantayan ang supply kag presyo sa merkado, ilabi na sa mga retailers nga nagabaligya sang bugas, wholesalers kag importers.
Ginsiling sini nga magahimo man sila sang nagakaigo nga tikang agud mapatuman ang disiplina sa merkado.
Madumduman nga una na nga gin-anunsyo ni Presidente Ferdinand Marcos Jr ang pagpatuman sang duha ka bulan nga rice import ban agud ma-establisar ang lokal nga presyo sang bugas kag maproteksyunan ang mga mangunguma sa barato nga imported nga bugas.
