-- ADVERTISEMENT --
Ginpaandaman sang Bureau of Internal Revenue (BIR) ang publiko sa paggamit sang peke nga PWD ID para maka- discount sa pagbayad sang buwis.
Suno kay BIR Commissioner Romeo Lumagui Jr., magapatigayon sang lapnagon nga crackdown ang Bureau of Internal Revenue (BIR) batuk sa mga nagabaligya kag nagagamit sang peke nga person with disability identification cards.
Ginpahayag ni Lumagui nga naglab-ot na sa P88 billion nga buwis ang nadula sadtong 2023 bangud sa tax evasion sang mga nagagamit sang peke nga PWD IDs.
Ang mga ini ang nakakuha sang 20 porsyento nga discount kag wala ginapabayad sang value added tax sa mga pili nga goods kag services.
