ROXAS CITY – Nakapasar na sa Provincial Development Council ukon PDC ang gin-aprubahan nga P9-B nga 2021 Annual Budget Program sang Sangguniang Panlalawigan.
Ini ang ginkompirmar ni Capiz Governor Esteban Evan Nonoy Contreras sang mainterview sang Bombo Radyo.
Ginpahayag ni Contreras nga ang P9-B nga 2021 Annual Budget Program ang gin-alokar sa mga kinahanglanon kag pagpakaayo sa mga ospital ukon quarantine facility bilang preparasyon subong nga COVID-19 Pandemic, Internal Revenue Allocations, Local Sources kag External Sources.
Pag-abot naman sa mga na-delay nga proyekto sang probinsya sa nagkalain-lain nga mga kabanwahanan ginpasiguro naman ni Contreras nga matapos gid ini subong nga tuig.
Samtang, gin-athag naman ni Contreras nga indi tanan nga ginapangayo nga pondo sang probinsya ang ihatag sang national government.
Magluwas diri, may yara sang 20 porsyento nga share diri ang provincial government sa amo nga pondo kun sa diin igapain ini sa mga proyekto para sa nagkalain-lain nga mga kabanwahanan depende sa gobernador.
