Lunsay sulod sa welterweight limit nga 147 pounds sanday Pinoy boxing icon Manny Pacquiao kag American boxer Mario Barrios.
Sa ginpatigayon nga weigh-in sini nga Sabado sang aga sa Las Vegas nagbug-at si Pacquiao sang 146.8 pounds samtang si Barrios ang may yara sang kabug-aton nga 146.2 pounds.
Ginakabig nga ini na ang pinakamabugiat nga timbang ni Pacquiao umpisa sang ikaapat nga pag-atubang niya kay Juan Manuel Marquez sang Disyembre 2012.
Ulihi nga naghampang si Pacquiao sang 2021 sang ginlutos ini ni Yordenis Ugas pamaagi sa unanimous decision.
Samtang ang 30-anyos nga si Barrios ang ulihi nga naghampang sang Nobyembre sang tinalikdan nga tuig pamaagi sa 12-round split draw batok kay Abel Ramos.
Si Pacquiao ang may yara sang 62 ka daog, walo ka pyerde kag duwa ka draw nga may yara sang 39 knockouts, samtang ang 30-anyos nga American boxer nga si Barrios ang may yara sang 29 ka daog, duwa ka pyered kag isa ka draw nga may yara sang 18 knockouts.
