Nagpanindugan ang Office of the Vice President (OVP) nga ang padayon nga legislative inquiry sang House Committee on Good Government and Public Accountability, indi na kinahanglan bangud wala sini nasolusyunan ang kinahanglanon nga nakabutang sa Konstitusyon may kaangtanan sa mga pagpamangkot bilang sabat sa pagtukod sang layi.
Samtang ginakilala sang OVP ang gahum sang manubo nga panalgan nga magpatigayon sang nasambit nga pagpamangkot nga “in aid of legislation,” ang padayon nga imbestigasyon sang Kongreso nga naga-angut sa Privilege Speech No. 379 ni Rep. Rolando Valeriano sadtong Setyembre 3, 2024, ang indi makabulig sa pagkuha sang bills.
Ini kag ang motu proprio inquiry suno diri ang base sa manifestation ni Rep. Gerville Luistro nga lunsay wala sang klaro nga tinutuyo ukon ginpaminsaran nga layi nga ginalauman bilang resulta sang deliberasyon.
Ang padayon nga pagpamangkot sang Kamara batuk sa OVP, wala suno diri nakasentro sa mapuslanon nga topiko.
Bilang respeto sa mga miyembro sang komite, nagapati ang OVP kadungan sa jurisprudence, ang mga gin-imbitahan nga resource person ang wala nagtambong.
Sa pihak sini, ang mga opisyal kag tinawo sang OVP, nagsumite sang sabat sa imbitasyon.
Sa pagkamatuod, si Vice President Sara Duterte mismo ang nagtambong sa inquiry nga ginpatigayon sang panel sadtong Setyembre 18, 2024, kadungan sang imbitasyon nga ginpadala sang House panel, nga nabaton sang OVP sadtong Setyembre 13, 2024.
Setyembre 20, pila ka mga opisyal ang nakabaton sang panibag-o nga imbitasyon para sa pagsinapol sa Setyembre 25, kung sa diin nga para lamang kay VP Duterte.
Ang Bise Presidente, nagpahayag sang iya rason kung ngaman wala nakatambong ang OVP.
Oktubre 9, nagsabat ang mga gin-imbitahan nga opisyal sang OVP kadungan sang ‘Show Cause Order’ nga ginpaguha sadtong Oktubre 7, 2024.
Oktubre 15, nakabaton liwat ang OVP sang panibag-o nga imbitasyon nagikan naman sa House panel kag bilang sabat nagpadala sang position paper ang mga opisyal sang OVP sadtong Oktubre 17, 2024.
Mahibaluan nga mahalong ang OVP sa pagtalakay sa mga bagay nga yara na sa panel sang Supreme Court House, bangud mahimo nga naglapas ang ahensya sa sub judice, nga naga-istrikto sa mga komento kag pagbuyagyag may kaangtanan sa mga hearing sang hudikatura.
