Pag-apply sang mga visas kada may torneo sa iban nga pungsod, nangin pagpanghangkat kay Alex Eala

Ginbuyagyag sang Pinay tennis star nga si Alex Eala nga isa ka daku nga pagpanghangkat sa iya ang pag-apply sang mga visas para makapasakop sa iban nga torneo sa iban nga pungsod.

Ginpahayag sini nga nabudlayan siya nga makakuha gilayon sang mga travel documents para sa visa requirements ilabi na kada nga may last minute nga tennis tournament.

Bangud sini, nangin flexible na lamang ini sa mga oras para gilayon nga makakuha sang travel visas.

Suno pa sa Pinay tennis star, isa na lamang nga nagahatag sang ginhawa sa iya amu ang mainit nga suporta sang mga Filipino sa mga pungsod nga ginapadulungan sini para sa torneo.

Si Eala ang naka-base subong sa Mallorca, Spain halin sang nagpasakop ini sa Rafa Nadal Academy.