ROXAS CITY – Ginkumpirma sang battalion commander sang 61st Infantry Battalion sang Philippine Army ang plano nga pag-atake sang New Peoples Army sa istasyon sang pulisya kag detachment ng militar.
Suno kay Lt. Col. Sisenando Magbalot Jr., nagaguwa sa monitoring sang militar nga padayon ang preparasyon sang NPA para sa ila plano nga pag-atake kasunod sang natabo sa Maasin PNP sa Iloilo.
May nakuha man nga impormasyon ang militar nga nakita ang presensiya sang NPA sa malayo nga kabaranggayan kag didto nagapatigayon sang paghanas.
Apang ginpasiguro sang opisyal nga indi mangin madinalag-on ang mga NPA sa ila operasyon bangud nakahanda kag nakaalerto ang pulisya kag militar.
Ginpahayag pa ni Magbalot nga mahina na ang pwersa sang mga rebelde apang kun magtingub sila posible pa sila makahimo sang mabaskog nga pag-atake.
