Nangin ‘generally peaceful’ ang pagselebrar sang Sinadya Festival subong nga tuig 2025.
Sa interview sang Bombo Radyo kay Police Chief Master Sergeant Ramil Arcangheles, spokesperson sang Roxas Component City Police Station, iya ginpahayag nga nangin madinalag-on ang pagtakop sang Sinadya Festival kahapon nga adlaw.
Suno kay Police Chief Master Sergeant Arcangeles, wala man sang natabo nga daku nga kinagamo magluwas sa nagluntad nga wala pag-intindihanay sa tunga sang duha ka tribo kag gilayon man nga na-settle.
Pahayag pa niya, yara sa 80 ka mga katapo sang kapulisan ang gin-deploy sa palibot sang syudad sang Roxas agud nga magbantay. Nagapasalamat man ang natungdan sa publiko sang ila nga kooperasyon, sa pagsunod sang layi agud nga mapabilin ang kalinong kag katawhay sa pagselebrar sang Sinadya Festival.
