Ginanunsiyo sang Philippine Atmospheric, Geophysical and Astronomical Services Administration (PAGASA) nga apisar sang El Niño phonomenon sa probinsya sang Capiz, posible sa gihapon nga mag-ekpersyensyan sang pag-ulan nga dala sang Intertropical Convergene Zone.
Sa interview sang Bombo Radyo kay Jun Ezra Bulquerin, Chief Meteorological Officer kag Weather Specialist I sang PAGASA, iya ginpahayag nga may ang posibilidad sa gihapon sang pag-ulan bisan pa sa kainit nga nabatyagan nga dala sang El Niño.
Suno kay Bulquerin, ang pag-agi sang Intertropical Convergence Zone (ITCZ) sa Pilipinas isa sa mga rason sang pag-ulan kag pagbag-o sang kondisyon sang panahon sa masunod nga mga adlaw.
Nagpanawagan man ang ahensya sa mga pumuluyo nga magpadayon sa pag-monitor sa official weather updates.
