-- ADVERTISEMENT --
ROXAS CITY, CAPIZ- Ginareklamo sang mga pumuluyo sang Barangay Tiza, Roxas City ang madugay na nga pagbinaha sa ila nga lugar.
Sa interview sang Bombo Radyo kay Tatay Silverio, iya ginpahayag nga madugay na ini ginpalab-ot sa mga opisyales sang barangay para kuntani sa solusyon apang tubtob sa karon wala pa mag-abot ang amo nga aksyon.
Dugang man ni Nanay Bernadette, sa tion nga naga-ulan, gasunod gid dason ang baha nga nagalapaw sa tuhod ang kadalumon.
Pahayag pa sang mga ini, kadungan sang pagbaha, galulutaw man ang mga basura kag madugay nagahubas bangud man sa mga barado nga kanal.
Panawagan sang mga ini sa mga natungdan nga kuntani aksyonan na ini kag hatagan sang nagakaigo nga igtalupangod.
-- ADVERTISEMENT --
Interviewed by Bombo Francis Biñas
