-- ADVERTISEMENT --
Nangin maduagon ang pagbukas sang selebrasyon sang Chinese New Year nga ginhiwat sang Capiz Provincial Government.
Sa interview sang Bombo Radyo kay Hon. Dr. Cesar Yap, Chairman sang Tourism Committee sang Sangguniang Panlalawigan, iya ginpahayag nga ang selebrasyon amo ang pag-isa sang mga Capiznon kag Filipino-Chinese community sa probinsya.
Suno pa kay Yap, ila ginaselebrar ang okasyon paagi sa pagbisita sa mga Chinese restaurant kag sa mga lugar nga ginahiwatan sang tradisyunal nga mga aktibidad bilang pagpakigbahin sa kultura kag tradisyon.
Ginpahayag man sang natungdan nga ang selebrasyon nagasentro sa pagpasalamat para sa mga grasya nga nabaton kag sa paglaum sang mas maayong bag-ong tuig para sa tanan.
