ROXAS CITY – Pamatuod lamang sa masangkaron nga kampanya sang gobyerno kontra sa rebelde nga grupo ang pagkaaresto sang mga otoridad kay Ka Frank Fernandez, ang tigpamaba sang National Democratic Front of the Philippines (NDFP) nga isa man anay ka pari.
Ini ang ginpahayag ni Armed Forces of the Philippines (AFP) Chief of Staff General Benjamin Madrigal Jr. sa panayam ng Bombo Radyo Roxas.
Mahibaluan nga naaresto si Fernandez sa joint operation sang Philippine Army kag Laguna Provincial Police Office pinaagi sa ginserbi nga warrant of arrest sa Barangay Calumbang, Nagcarlan, Laguna.
Suno kay Madrigal, ang pagkadakop kay Fernandez ang nagapakita nga desidido ang gobyerno sa pagpapas sa mga rebelde.
Mahibaluan nga si Ka Frank ang nadakpan pila ka adlaw lamang matapos nadakpan ang NDFP peace consultant nga si Renante Gamara sa Imus City, Cavite sang nakaligad nga semana.
Madugay na nga wanted si Ka Frank bangud sa kaso nga 4 counts of murder kag attempted murder.
