Pagkaayo sang roofing ukon atop sang TATC, ginapadasig na

ROXAS CITY – Malapit na nga matapos ang roofing ukon pagkaayo sang atop sa Teodoro Arcenas Trade Center (TATC).

Ini ang ginpahayag ni Market Administrator Heloise Mendoza sang mainterview sang Bombo Radyo.

Suno diri nga sadtong Enero pa kuntani natapos ang program of works para sa amo nga proyekto apang naatrasar ang pagsugod sini bangud sang pandemiya.

Apang matapos ang roofing suno kay Mendoza, ila na lamang nga hulaton nga matakdan ini sang suga agud maggamit na sang mga vendors.

Mas o menus 4 milyones pesos ang ginpain sang gobyerno sang siyudad para sa amo nga proyekto.

Mahibaluan nga temporaryo nga ginpahamtangan sang tents ang mga vendors samtang ginahulat nga matapos ang pagkaayo sang atop.